சுண்டைக்காய்/வெண்டைக்காய் சூப்

வெண்டைக்காய் சூப்
Author:Thenammai Lakshmanan / தேனம்மைலெக்ஷ்மணன்

 
தேவையானவை :-


முற்றின வெண்டைக்காய் – 10 அல்லது முற்றின சுண்டைக்காய் – ஒரு கைப்பிடி ( தோராயமாக 30 )
பெரிய வெங்காயம் – 1
தக்காளி – 1
பச்சை மிளகாய் – 1
கருவேப்பிலை – 1 இணுக்கு
மஞ்சள் தூள் – 1 சிட்டிகை
பாசிப்பருப்பு – 1 கைப்பிடி
எண்ணெய் – 1 டீஸ்பூன்
சோம்பு – ½ டீஸ்பூன்
சீரகம் – ½ டீஸ்பூன்
மிளகு – ½ டீஸ்பூன்
கருவேப்பிலை – 1 இணுக்கு
பிரிஞ்சி இலை – 1 துண்டு
பட்டை – 1 துண்டு
உப்பு – ½ டீஸ்பூன்

 
செய்முறை:-


&nbsp

வெண்டைக்காய் என்றால் கழுவித் துடைத்து நறுக்கிக் கொள்ளவும். சுண்டைக்காய் என்றால் நறுக்கி தண்ணீரில் போடவும். பெரிய வெங்காயம் தக்காளியை நீளவாக்கில் நறுக்கவும். பச்சை மிளகாயைக் கீறி வைக்கவும்.

பாசிப்பருப்பை வேகவைத்து 2 கப் தண்ணீரில் கரைத்து வைக்கவும். கடாயில் எண்ணெயைக் காயவைத்து சோம்பு சீரகம் மிளகு போடவும் இதில் பிரிஞ்சி இலை பட்டை போட்டு அனைத்தும் பொரிந்ததும் கருவேப்பிலை, பச்சை மிளகாய் சுண்டைக்காய் அல்லது வெண்டைக்காய் போட்டு வதக்கவும் . இரண்டு நிமிடம் வதக்கியபின் வெங்காயம் தக்காளியைச் சேர்த்து வதக்கவும். இதில் மஞ்சள் பொடியைப்போட்டு பருப்பு கரைத்த தண்ணீரை ஊற்றிக் கொதிக்க விடவும். நன்கு கொதித்து வெந்ததும் உப்பு சேர்த்து வடிகட்டி அருந்தக் கொடுக்கவும். குழந்தைகளுக்குக் கொடுக்க ஏற்றது இது.
 


Content Source : http://thenoos.blogspot.in/

Image Source :http://img.dinakaran.com/samayalnew/S_image/sl2224.jpg 

217 total views, 1 views today

Share Button